Sähkö-Jokinen er finnskt fjölskyldufyrirtæki sem hefur verið starfrækt í yfir 40 ár. Þar er það fremst á sínu sviði sem framleiðandi eftirgefanlegra ljósastaura úr stáli þar sem öryggi vegfarenda er haft að leiðarljósi og samkvæmt viðurkenndum gæðastaðli EN 40-5:2002 og hefur hlotið CE viðurkenningu. Einnig framleiðir fyrirtækið hágæða undirstöður úr steinsteypu fyrir mismunandi gerðir af staurum. Markmið fyrirtækisins er að stunda stöðuga vöruþróun í því skyni að vera í fararbroddi og þjóna mismunandi þörfum viðskiptavina sinna.